Wednesday, 29 October 2014

Kickstarter.com تمويل المشاريع عن طريق موقع



كتبت من قبل عن موقع Kickstarter.com وحطيت بعض المشاريع اللي عجتبني منه
فكرة الموقع وايد عاجبتني لانها تعطي الناس فرصة انهم يساعدون في تمويل المشاريع اللي تعجبهم ولو بمبالغ رمزية
بس في النهاية هذي المبالغ الصغيرة تتجمع وتصير أكبر وأكبر
الحلو بعد في الموقع انه عالمي و يشمل كل المجالات 
يعني اي احد من اي مكان يقدر يحط مشروعه ويجمع المبلغ اللي يحتاجه
طبعا الموقع ياخذون نسبة من هذي المبلغ تقريبا 5%

باتكلم اكثر عن خطوات المشاركة وباستعمل مثال من الموقع نفسه
في مشروع اسمه Reading Frenzy  وهو عبارة عن اعادة فتح مكتبة قديمة متخصصة في نشر الكتب لدور النشر الصغيرة والمستقلة
 ومثل هالنوع من الكتب ما تحصلونها في المكتبات الكبيرة وبعد كانت تقام فعاليات في المكتبة مثل معارض فنية لفنانين مستقلين و مبتدئين اللي ما يقدرون يتحملون تكاليف معارض كبيرة و ندوات وورش عمل حق فعاليات المجتمع
المكتبة هذي افتتحت سنه في منطقة بورتلاند في امريكا1995 واضطروا اصحابها أن يصكونها سنه 2013 لان عقد اجارهم انتهى وماكان عندهم تمويل عشان 
يتنقلون لمحل يديد 
بس اصحاب المكتبة قرروا انهم ما يستسلمون ويعيدون فتح المكتبة في مكان ثاني حتى لو بعد مده
سووا دراسة جدوى وحددوا المبلغ اللي يحتاجونه وهو 50,000 دولار


  

  وحطوا المشروع على الموقع (صفحة المشروع على موقع كيكستارتر) مع فيديو تعريفي عن المشروع

وتكلموا عن شلون بيستخدمون هالمبلغ في تمويل المكتبة اليديدة 
وبعدين حددوا فئات التمويل  والمميزات اللي تتبع كل فئة
مثلا فئة تمويل بمبلغ دولار واحد ( يحتاجون 21 شخص ) وكل شخص يشارك بيستلم ايميلات عن تطورات المشروع
وفئة تمويل بمبلغ 5 - 9 دولارات (يحتاجون 93 شخص) وكل واحد بيحصل شارة عليها الشعار وايميلات عن تطورات المشروع
وتتدرج الفئات والمميزات لين ما توصل الى اعلى فئة وهي
فئة تمويل بمبلغ ألف دولار ( يحتاجون 3 أشخاص ) وكل واحد بيحصل عضوية في المكتبة وخصومات ونسخ من مطبوعات مميزة

المشروع نجح في ان يجمع أكثر من المبلغ الاساسي وكان مجموع التمويل من خلال الموقع 51,816 دولار

طبعا الفكرة اعتمدت عدة مبادئ لنجاحها 
أول شي ان كل فكرة تحتاج دراسة جدوى عشان تحدد التمويل المطلوب
والفيديو التعريفي يوصل الفكرة بطريقة سهلة وسريعة للناس
وبعدين تكون مرحلة نشر الموقع بين المتعاطفين او مساندين المشروع
عشان يكون عندهم ثقة ان المبلغ البسيط اللي تبرعوا فيها بيسوي فرق كبير في مساندة شي هم يحبونهم ويبونه يستمر
وهذي المرحلة مهمة ويمكن نشر صفحة المشروع على الموقع عن طريق مواقع التواصل الاجتماعي
ولان الموقع عالمي في ناس بتتعرف على المشروع ويمكن حتى ما يكونون في نفس البلد
بس يساعدون في تمويله لأنهم اعجبوا بفكرته.

اللي حبيت اوصل له من هالموضوع كله اني وايد اسمع ناس يقولون
عندنا مشروع بس ما نقدر نموله ، لكن في وقتنا الحين في اكثر من طريقة للتمويل
وهذي وحده منها بس تحتاج الى افكار يديدة وموضوعية في دراسة الجدوى
وتقديم المشروع بشكل احترافي 
وبعدين تتوكلون على الله وتقدرون تنجحون مثل ما نجح غيركم 



   

Monday, 20 October 2014

Startup Weekend Bahrain 2014





ستارت أب ويكند بتكون  هالسنه في 20 - 22 نوفمبر 2014.

ستارت أب ويكند برنامج عالمي مخصص للي عندهم افكار
حق مشاريع جديده أو اللي ودهم يبتدون مشاريعهم الخاصة

البرنامج عبارة عن ورشة عمل  مدتها 54 ساعة 
تبتدي يوم الخميس العصر وتشتمل على مجموعات
عمل يتم فيها طرح الافكار والاستفادة من خبرات المجموعه
وبعدين تطوير دراسات جدوى مصغرة لكل فكرة
وفي نهاية البرنامج تنعرض الافكار على لجنة تحكيم 
لتقييمها واختيار الافكار الفايزة

آخر ستارت اب ويكند صارت في 2012 وفازوا فيه مشروع يو تراك 
تقدرون تزورون موقعهم هني 

وهذي الفيديو من آخر ستارت اب ويكند في 2012 حق اول عرض للمشاريع 
يعطيكم فكرة شلون يكون عرض الفكرة في فترة قصيرة 





Startup Weekend Bahrain is back again on 20th November 2014.
What is that ?
Very simply one weekend where people pitch their ideas,
and work through out the weekend to present a full case for it.
At the end of the weekend , a panel evaluates the pitches and chooses winners.
The winners get funds to kick start their idea.

The last Startup Weekend in Bahrain was in 2012, and the winner was U Track , you can read more about what they do here


هذي الرابط للتسجيل في المسابقة 


الويب سايت bahrain.startupweekend.org 
تويتر StartupWkndBH@

To Register for Startup Weekend click here
Twitter @StartupWkndBH

Tuesday, 14 October 2014

Aleph Web Content Creations & Translation Services


مشروع "ألف" للترجمة وصياغة المحتوى الإلكتروني هو مشروع  بحريني فكرته يديده عن باقي المشاريع اللي نجوفها هالايام
وغير اني احب اجوف مشاريع تهتم بجوانب مختلفة ، انا وايد حبيت ان المشروع بيساهم في زيادة المحتوى العربي على الانترنت
الحين كل شركة أو مشروع صغير عندهم موقع الكتروني بس في الغالب يكون التركيز على تصميم الموقع والجرافيك والمحتوى كنص ما يكون له نصيب من هالاهتمام
وبعد غالبا يكون الموقع كله بالانجليزي
وهالشي يشكل مشكلة كبيرة لانك في بلد عربي وجمهورك ومتابعينك وزباينك يتكلمون عربي وحتى لين بيبحثون في جوجل عن شركتك البحث بيكون بالعربي
فاذا تبي توصل لهم وتعرفهم على مشروعك لازم توصل لهم بالعربي
مشروع ألف يقدم هذي الخدمة حق اصحاب المشاريع واصحاب المواقع
سواء كان عندك موقع وتبي تترجمه أو تبي تبتدي موقع هم يقدرون يكتبون لك المحتوى بالعربي والانجليزي ويساعدونك انك توصل فكرتك في اسلوب سهل لزوار الموقع
وغير صياغة المحتوى الالكتروني يوفر مشروع ألف خدمات الترجمة بشكل عام
لكل النصوص من اخبار صحفية او رسائل رسمية او مقالات
تقدرون تزورون موقع ألف وتتعرفون أكثر على رؤيتهم وخدماتهم

This is one project  I'm very happy to see come to life.
We have very little projects focusing on writing and even less projects
for Arabic content .
Today every business needs a website,and we see beautifully designed websites (mostly all in one language - English, that tell us very little about the product.
Most of the time, I just use them to get the contact information !
But if we really stop to think about it, websites are the number 1 marketing platform for any business .
A website is the only channel that it available 24 hours a day 7 days a week, and business owners and entrepreneurs should maximize the use of this channel .
And that does not happen which just nice graphics, you need good content which speaks to the reader about what you have to offer, in a language they understand and put in the right context.
Aleph ( stands for the letter A in Arabic) is a Bahraini project which provides  content creation for any type of content from website to magazines to corporate collateral,
and couples that with translation services for this content in Arabic & English.
Aleph's website is definitely worth a visit, read it in your language of choice (Arabic or English or both ) and you can see for yourself how words should be dealt with.



Wednesday, 8 October 2014

مسابقة تشريف - لإثراء المحتوى العربي للطفل عن مكة المكرمة

 
 
 
 
مسابقة تشريف هي مسابقة لكل مصممين الجرافيك
من هواة أو محترفين من أي دولة في العالم
وهدفها اثراء المحتوى العربي للاطفال عن مكة المكرمة
 
 تقدرون تعرفون أكثر عن شروط الاشتراك من خلال الرابط
 
وبعد تزورون موقعهم الالكتروني هني
حسابهم في تويتر @tashreeforg   

آخر موعد لاستلام المشاركات هو 4 نوفمبر 2014



Tuesday, 30 September 2014

قصة نجاح مخترعة بحرينية | آلاء محمد عبدالرحيم | Nail_Polish_Mixer#



وايد مستانسة اني اكتب موضوع عن مخترعة بحرينية
وودي اجوف واتعرف على مخترعين ومخترعات اكثر من البحرين
لان الاختراعات هي اساس التطور في أي مجمتع
وفي وايد مجالات ممكن للواحد انه يسوي فيها شي يديد
( اللي يعرف عن اي اختراع يقدر يطرش لي ايميل او يسوي منشن على تويتر أو انستغرام ) 

المشروع اللي سوته ألاء يمكن البعض يقولون انه ما عالج مشكلة كبيرة
بس الفكرة هي ان مو كل اختراع لازم يحل مشكلة كبيرة
بالعكس اكبر قصص نجاح الاختراعات كانت تعالج حاجات يومية بسيطة

الفيديو يتكلم اكثر عن قصة ألاء مع اختراعها
ومنها للاعلى ان شاء الله 




I get really excited when I come across words like these
" Bahraini inventor" and the fact this time it happens to be 
a young lady too, makes it that much more exciting.

I hope to see and get to know more about Bahraini inventions,
so if you know any please email me or mention me on Twitter / Instagram.

So our invention is a Nail Polish Mixer by Alaa Abdulraheem, pretty cool idea !
You get to choose the color and shade you want.

The video sheds more light on the project and Alaa's journey.



Monday, 2 June 2014

MENA Angel Investors Summit 2014




امس حضرت مؤتمر رعاة الاعمال للمشاريع الصغيرة ، وفكرته أنه
يجمع بين ممولين عندهم راس مال ويدورون على أفكار لمشاريع يديدة عشان يشاركون 
في تمويلها مقابل نسبة من الارباح .
هالمبدأ وايد منتشر في الغرب وأسس مشاريع صارت الحين
 كبيرة ومشهورة مثل سكايب .
في البحرين المؤتمر من تنظيم تنمو ( كتبت عنهم قبل هني )

المؤتمر جمع أصحاب مشاريع من البحرين والدول العربية
وكل واحد فيهم كان مطلوب منه يقدم 
مشروعه والتمويل اللي يحتاجه في دقايق بس .

حطيت لكم لنك الفيديو من تقديم المشاريع واللي وفره مشروع يو تراك 
( وهو مشروع بحريني فاز بجائزة ستارت أب ويكند البحرين )



Yesterday I attended an event that is very dear to me.
The Angel Investors Summit, is the place to hear pitches from
Arab entrepreneurs seeking funding for their projects.
At the same time, angel investors are present to choose which
project they want to back up.

This event was organized by Tenmou ( wrote about it previously here )

Here is the video of the pitches, courtesy of Utrack TV ( a Bahraini project
winner of Startup Weekend Bahrain ).








Thursday, 15 May 2014

جائزة ناصر بن حمد العالمية للابداع الشبابي




جائزة ناصر بن حمد العالمية للابداع الشبابي ابتدت السنة
في دورتها اليديدة
تقدرون تشاركون من خلال 6 مجالات
- العلوم
-التصوير الفوتوغرافي
- التصميم الجرافيكي
-الرسم والتشكيل
- انتاج الافلام
- التصميم المعماري

المشاركة مفتوحة للفئة العمرية من 14 - 30 سنه من جميع انحاء العالم
وآخر موعد لاستلام المشاركات هو 1/9/2014

اذا تبون تتعرفون اكثر على شروط المشاركة جوفوا هالموقع 

Related Posts Plugin for WordPress, Blogger...